கட்டுநாயக்க விமான நிலையத்தில் சட்டவிரோதமாக கொண்டுவரப்பட்ட ஏலக்காய் தொகை மற்றும் கையடக்கத் தொலைபேசிகளுடன் சந்தேக நபரொருவர் வெள்ளிக்கிழமை (01) கைது செய்யப்பட்டுள்ளார்.
கைதுசெய்யப்பட்டவர் கொழும்பு 12 பிரதேசத்தைச் சேர்ந்த 48 வயதுடையவர் ஆவார்.
சந்தேக நபர் நேற்றைய தினம் இரவு துபாயிலிருந்து கட்டுநாயக்க விமான நிலையத்திற்கு வருகை தந்துள்ளார். இதன்போது விமான நிலைய அதிகாரிகளால் மேற்கொள்ளப்பட்ட சோதனையில் சந்தேக நபர் கொண்டு வந்த பயணப் பொதிகளிலிருந்து 76 கிலோ 300 கிராம் ஏலக்காய் தொகையும், 08 கையடக்கத் தொலைபேசிகளும் கைப்பற்றப்பட்டுள்ளன.
இது தொடர்பான மேலதிக விசாரணைகளை கட்டுநாயக்க விமான நிலைய பொலிஸார் மேற்கொண்டு வருகின்றனர்.
