கண்டி – கலஹா காவல்துறை பிரிவுக்குட்பட்ட தெல்தோட்டை, பியசேனபுர பகுதியில் தண்ணீர் என நினைத்து அமிலத்தை (ஆசீட்) அருந்திய 2 வருடங்கள் 6 மாதங்களேயான குழந்தையொன்று உயிரிழந்தது.
தந்தையொருவர் தனது குழந்தையுடன் , தெல்தோட்டை நகரிலுள்ள தங்க வியாபார நிலையமொன்றுக்கு சென்றுள்ளார். அங்கு பாதுகாப்பற்ற முறையில் வைக்கப்பட்டிருந்த அமிலத்தை (ஆசீட்) குழந்தை அருந்தியுள்ளது என தெரியவருகின்றது.
இதனையடுத்து குழந்தை தெல்தோட்டை வைத்தியசாலைக்கு கொண்டு செல்லப்பட்ட பின்னர் உயிரிழந்தது. சடலம் பிரேத பரிசோதனைக்காக பேராதனை வைத்தியசாலைக்கு கொண்டு செல்லப்பட்டுள்ளது.
சம்பவம் தொடர்பில் கலஹா காவல்துறையினர் மேலதிக விசாரணைகளை முன்னெடுத்துவருகின்றனர்.
