தமிழ்நாட்டின் கள்ளக்குறிச்சி மாவட்டம் – உளுந்தூர் பேட்டையில் நேற்று இரவு (31) உந்துருளியில் பட்டாசுகளைத் தனது வீட்டிற்கு எடுத்துச் சென்ற போது ஏற்பட்ட வெடி விபத்தில் இளைஞன் ஒருவர் உயிரிழந்தார்.
சம்பவம் தொடர்பில் தெரியவருகையில்,
குறித்த இளைஞன் உந்துருளியில் பட்டாசுகளைத் தனது வீட்டிற்கு எடுத்துச் சென்றுகொண்டிருந்த போது வீதியில் நின்று கொண்டிருந்த சிலர் பட்டாசுகளை வெடித்துக் கொண்டிருந்தனர். அதில் ரொக்கெட் ரக பட்டாசு ஒன்று, குறித்த இளைஞர் கொண்டு சென்ற பட்டாசுகளின் மீது விழுந்து வெடித்துள்ளது.
இதில் அந்த இளைஞன் படுகாயமடைந்த நிலையில், வைத்தியசாலையில் அவசர சிகிச்சைப் பிரிவில் அனுமதிக்கப்பட்டு சிகிச்சை பலனின்றி உயிரிழந்தார்.
இந்த சம்பவம் தொடர்பான விசாரணைகளை காவல்துறையினர் மேற்கொண்டு வருவதாக இந்திய ஊடகங்கள் செய்தி வெளியிட்டுள்ளன.
