சீனா, தனது சொந்த விண்வெளி நிலையத்திற்கு 3 விண்வெளி வீரர்களை அனுப்பியுள்ளது. அவர்கள் நேற்று (30) அதிகாலை ஷென்சோ-19 என்ற விண்கலத்தில் புறப்பட்டனர்.
இந்த விண்கலம் வடமேற்கு சீனாவில் உள்ள ஜியுகுவான் செயற்கைக்கோள் ஏவுகணை மையத்திலிருந்து லாங் மார்ச்- 2எப் கேரியர் ரொக்கெட் மூலம் விண்ணில் ஏவப்பட்டது.
ஏவப்பட்ட 10 நிமிடங்களுக்குப் பிறகு, ஷென்சோ-19 விண்கலம் ரொக்கெட்டிலிருந்து பிரிந்து நிர்ணயிக்கப்பட்ட சுற்றுப்பாதையை வெற்றிகரமாகச் சென்றடைந்ததாகத் தெரிவிக்கப்பட்டுள்ளது.
3 விண்வெளி வீரர்களும் 6 மாதம் தங்கியிருந்து ஆராய்ச்சி பணியில் ஈடுபட உள்ளதாகச் சீனா தெரிவித்துள்ளது.
