வடமராட்சி கிழக்கு வெற்றிலைக்கேணி றோ.க.த.க பாடசாலையில் ஆசிரியராக கடமையாற்றி ஓய்வு பெற்ற திருமதி.அருட்சந்திரபுஸ்பம் தம்பிராசா அவர்களின் மணி விழா நிகழ்வு நேற்று (29) வெற்றிலைக்கேணி றோ.க.த.க பாடசாலையில் இடம்பெற்றது.
பாடசாலையின் அதிபர் திருமதி.சுதர்சினி சுதந்திரன் தலைமையில் நண்பகல் 12.00 மணியளவில் விருந்தினர்கள் மாலை அணிவித்து வரவேற்கப்பட்டு மங்கள விளக்கேற்றலுடன் நிகழ்வு ஆரம்பமானது.
மணி விழா நாயகியின் சேவையை பாராட்டி அவரது நினைவுகள் பகிரப்பட்டு பொன்னாடை போர்த்தி கெளரவிக்கப்பட்டதுடன் பாடசாலை சமூகம் மற்றும் பெற்றோர்களால் நினைவுப் பரிசில்களும் வழங்கிவைக்கப்பட்டது.
இந்நிகழ்வில் மருதங்கேணி கோட்டக்கல்வி பணிப்பாளர் சிறிராமச்சந்திரன், பாடசாலை ஆசிரியர்கள், மாணவர்கள், அயல் பாடசாலை அதிபர்கள், கட்டைக்காடு பங்குத்தந்தை அமல்ராஜ், அருட்தந்தை ரமேஷ் அடிகளார், பெற்றோர்கள், பழைய மாணவர்கள் எனப் பலரும் கலந்துகொண்டனர்.
