நைஜீரியாவில் எரிபொருள் நிரப்பப்பட்ட பாரஊர்தி வெடித்து சிதறியதில் 95 பேர் உயிரிழந்துள்ளனர்.
நைஜீரியாவின் ஜிகாவா மாநிலத்தின் மஜியா என்ற கிராமத்தில் எரிபொருள் நிரப்பிய பாரஊர்தியானது சாரதியின் கட்டுப்பாட்டை இழந்ததை தொடர்ந்து விபத்துக்குள்ளாகி கால்வாய் ஒன்றிற்குள் விழுந்தது. அதிலிருந்து சிந்திய எரிபொருளை எடுப்பதற்காக பெருமளவு மக்கள் முண்டியடித்த வேளை அந்த வாகனம் வெடித்து சிதறியது என அதிகாரிகள் தெரிவித்துள்ளனர்.
95 பேர் உயிரிழந்துள்ளனர் என தெரிவித்துள்ள அதிகாரிகள் 50க்கும் அதிகமானவர்கள் காயமடைந்துள்ளதால் உயிரிழந்தவர்களின் எண்ணிக்கை மேலும் அதிகரிக்கலாம் என குறிப்பிட்டுள்ளனர்.
