ஓமந்தை – பூவரசன்குளம் பகுதியில் நேற்று (10) இனந்தெரியாத குழுவொன்று நடத்திய வாள்வெட்டுத் தாக்குதலில் ஒருவர் உயிரிழந்தார். மேலும் ஒருவர் காயமடைந்த நிலையில், சிகிச்சைகளுக்காக வவுனியா வைத்தியசாலையில் அனுமதிக்கப்பட்டுள்ளார்.
இதன்போது, இரண்டு பிள்ளைகளின் தந்தையான 42 வயதுடைய ஒருவரே உயிரிழந்தார்.
இரண்டு குடும்பங்களுக்கு இடையில், காணி தொடர்பில் ஏற்பட்டிருந்த நீண்டகால முரண்பாடே இந்த வாள்வெட்டுத் தாக்குதலுக்குக் காரணமாக இருக்கலாம் எனக் காவல்துறை சந்தேகம் வெளியிட்டுள்ளது.
எனினும், சம்பவத்துடன் தொடர்புடைய எவரும் இதுவரை கைது செய்யப்படவில்லை. குறித்த சம்பவம் தொடர்பில் ஓமந்தை காவல்துறை விசாரணைகளை முன்னெடுத்து வருகின்றது.
