விஜய் ஆண்டனி நடிப்பில் 2016 ஆம் ஆண்டு வெளியான திரைப்படம் ‘பிச்சைக்காரன்’ ஆகும். இப்படத்தின் வெற்றியைத் தொடர்ந்து 2023 ஆம் ஆண்டு விஜய் ஆண்டனி கதாநாயகனாக நடித்தும், இயக்கியும் வெளியான ‘பிச்சைக்காரன் 2’ இப்படமும் ரசிகர்களிடையே பெரும் வரவேற்பை பெற்ற நிலையில், வசூலையும் குவித்தது.
இதனை தொடர்ந்து தற்போது ‘பிச்சைக்காரன் 3’ படம் உருவாக உள்ளதாக கூறப்பட்ட நிலையில், அது தொடர்பில் விபரங்கள் எதுவும் வெளியாகவில்லை. இதனால் ரசிகர்கள் ‘பிச்சைக்காரன் 3’ குறித்த அறிவிப்புக்காக காத்திருந்தனர்.
இந்த நிலையில், 2027 ஆம் ஆண்டு ‘பிச்கைக்காரன் 3’ வெளியாகும் என்று விஜய் ஆண்டனி தெரிவித்துள்ளார். இது தொடர்பாக சமீபத்தில் நடைபெற்ற ‘மார்கன்’ படத்தின் ப்ரமோஷன் நிகழ்ச்சியில் பேசிய விஜய் ஆண்டனியிடம் ‘பிச்சைக்காரன் 3’ குறித்து கேள்வி கேட்கப்பட்டநிலையில் இதனை தெரிவித்துள்ளார்.
அதற்கு விஜய் ஆண்டனி கூறுகையில், “எனது ‘பிச்சைக்காரன் 3’ படத்தின் கதையினை இப்போது கூட என்னால் சொல்ல முடியும். முதல் பாகம் மற்றும் 2 ஆம் பாகத்தில் இருந்து முற்றிலும் மாறுபட்டதாகவும், வித்தியாசமாகவும் 3 ஆம் பாகம் இருக்கும்.
விரைவில் இது குறித்த அறிவிப்பு வெளியாகும். 2027 ஆம் ஆண்டு ‘பிச்சைக்காரன் 3’ படம் வெளியாகும்” எனத் தெரிவித்தார்.
