நாடளாவிய ரீதியில் காபற் வீதி அமைக்கும் தேசிய வேலைத் திட்டத்தின் கீழ் செட்டிகுளம், மெனிக்பாம் – பாடசாலை வீதி காபற் வீதியாக அமைக்கும் பணி இன்று (21) ஆரம்பித்து வைக்கப்பட்டது.
ஜனாதிபதி அநுரகுமார திஸாநாயக்கவின் சிந்தனைக்கு அமைவாக நாடு முழுவதும் 1000 வீதிகளை காபற் வீதிகளாக மாற்றும் திட்டம் \ஆரம்பித்து வைக்கப்பட்டது.
அதற்கு அமைவாக வவுனியா, செட்டிகுளம், மெனிக்பாம் – பாடசாலை வீதி காபற் வீதியாக அமைக்கும் பணியை கூட்டுறவுத்துறை பிரதி அமைச்சர் உபாலி சமரசிங்க ஆரம்பித்து வைத்தார்.
இதன்போது வீதி அபிவிருத்தி அதிகார சபை உத்தியோகத்தர்கள், பிரதேச சபை செயலாளர், தேசிய மக்கள் சக்தியின் செட்டிகுளம் பிரதேச சபை உறுப்பினர்கள், கிராம மட்ட அமைப்புக்களின் உறுப்பினர்கள் மற்றும் கிராம மக்கள் எனப் பலரும் கலந்து கொண்டனர்.
