பொது பாதுகாப்பு அமைச்சர் டிரான் அலஸூக்கு எடுக்கப்பட்ட தொலைபேசி அழைப்பை அனுமதியின்றி பதிவு செய்து, அந்த தொலைபேசி உரையாடலை யூடியூபில் பதிவேற்றம் செய்து, பொது பாதுகாப்புக்கு எதிராக தவறு செய்ய தூண்டினார் என்ற குற்றச்சாட்டில் கைது செய்யப்பட்டு நீதிமன்றத்தில் முன்னிலைப்படுத்தப்பட்ட ஒருவரை எதிர்வரும் 21ஆம் திகதி வரை விளக்கமறியலில் வைக்குமாறு கொழும்பு கோட்டை நீதவான் திலின் கமகே நேற்று உத்தரவிட்டுள்ளார்.
தொலைபேசி உரையாடலில் பதிவை யூடியூப்பில் பதிவேற்றம் செய்து, பொது அமைதியை சீர்குலைக்கும் விதமான குற்றத்தை செய்தமை மற்றும் சமூக பதற்றத்தை ஏற்படுத்த முயற்சித்தமை தொடர்பாக விசாரணை நடத்தி வருவதாக கூறி குற்றவியல் விசாரணைப் பிரிவினர் விடுத்த கோரிக்கைக்கு அமைய சாமர தரிந்து மதுசங்க என்ற நபரே இவ்வாறு விளக்கமறியலில் வைக்கப்பட்டுள்ளார்.
அரச புலனாய்வு சேவைக்கு கிடைத்த தகவலுக்கு அமைய குற்றவியல் விசாரணை திணைக்களத்தின் பிரதிப் பொலிஸ் மா அதிபரின் உத்தரவின்படி குற்றவியல் விசாரணை திணைக்களத்தின் கணனி குற்றங்கள் தொடர்பான விசாரணைப் பிரிவுடன் சமூக ஊடக குற்ற விசாரணைப் பிரிவு இந்த விசாரணைகளை நடத்தி வருகிறது.
விசாரணை முன்னேற்றங்கள் தொடர்பான அறிக்கையை நீதிமன்றத்தில் தாக்கல் செய்துள்ள குற்றவியல் விசாரணை திணைக்களம், யூடியூப் சமூக ஊடகத்தில் தொலைபேசி உரையாடலை பதிவேற்றம் செய்து, பொது அமைதிக்கு எதிராக தவறு செய்ய தூண்டியமை சம்பந்தமாக சந்தேக நபரை கைது செய்ததாக கூறியுள்ளது.
பொது பாதுகாப்பு அமைச்சருடன் நடந்த தொலைபேசி உரையாடலை அனுமதியின்றி பதிவு செய்து, பதிவேற்றம் செய்துள்ளதாக அறிவித்துள்ள குற்றவியல் விசாரணை திணைக்களம், சம்பவம் தொடர்பாக விசாரணை நடத்தி வருவதால், சந்தேக நபரை விளக்கமறியலில் வைக்குமாறு கோரிக்கை விடுத்தது.
இந்த கோரிக்கையை ஏற்றுக்கொண்டு சந்தேக நபரை விளக்கமறியலில் வைக்குமாறு உத்தரவிட்ட நீதவான், இந்த வழக்கு மீண்டும் விசாரணைக்கு எடுக்கப்படும் எதிர்வரும் 21 ஆம் திகதி விசாரணைகளின் முன்னேற்றம் குறித்து நீதிமன்றத்திற்கு அறிவிக்குமாறு பணித்துள்ளார்.
பாராளுமன்றத்தில் அண்மையில் நிறைவேற்றப்பட்ட நிகழ்நிலைக் காப்புச் சட்டம் தற்போது நடைமுறையில் உள்ளதால், சமூக ஊடகங்களில் நடக்கும் குற்றங்கள் தொடர்பில் பொலிஸார் உன்னிப்பாக அவதானித்து வருகின்றனர்.
Related Posts
டொனால்ட் ட்ரம்பின் வரி விதிப்புகளால் நாட்டின் ஆடைத் தொழிலில் நெருக்கடி..!
"அமெரிக்க ஜனாதிபதி டொனால்ட் ட்ரம்பின் வரி விதிப்புகளால் நாட்டின் ஆடைத் தொழிற்றுறை தற்போது பெரும் நெருக்கடியின் அறிகுறிகளைக் காட்டுகிறது. இந்தியாவுடன் கையெழுத்திடுவதற்கு உத்தேசிக்கப்பட்டிருந்த ஒப்பந்தங்கள் கையெழுத்தாகாததால் எமக்கு...
வவுனியாவில் இடம்பெற்ற வன்முறைச் சம்பவம் தொடர்பில் வெளியான தகவல்..!
வவுனியா, கூமாங்குளம் மதுபானசாலை அருகில் ஒருவர் உயிரிழந்ததைத் தொடர்ந்து இடம்பெற்ற வன்முறைச் சம்வத்தில் 5 பொலிஸார் காயமடைந்துள்ளதுடன், பொலிஸாரின் 3 வாகனங்களும் சேதமடைந்துள்ளன. வவுனியா, கூமாங்குளம் பகுதியில்...
உதயசூரியன் கிண்ணத்தை தமதாக்கிய சென்மேரிஸ் விளையாட்டுக் கழகம்..!
யாழ். வடமராட்சிக் கிழக்கு வத்திராயன் உதயசூரியன் விளையாட்டுக் கழகத்தின் வருடாந்த விளையாட்டு விழாவின் இறுதி விழா இன்று மதியம் 2:30 மணியளவில் விருந்தினர்களின் வரவேற்புடன் மைதான முன்றலில்...
கல்முனை அஸ் – ஸுஹரா பாடசாலைக்கு நீர்த்தாங்கி வழங்கி வைப்பு..!
கல்முனை அஸ் - ஸுஹரா பாடசாலையின் நீண்ட காலத் தேவையான நீர்த்தாங்கி வழங்கும் நிகழ்வு இன்று (12) சிறப்பாக இடம்பெற்றது. இந்நிகழ்வில் பிரதம அதிதியாக முன்னாள் கல்முனை...
